Тимот на Слога од Злеово го направи најголемото изненадување во рамките на петото коло до Општинската фудбалска лига на Струмица. На гостувањето во Добрејци славеше против домашната Илинден со 5:1. Ова е втора победа за злеовчани откако дома го надиграа Дрвош во претходното коло. За потсетување Слога првенството на ОФС Струмица го стартуваше со два пораза но сега три кола е без пораз.
Екипата на Дрвош не успеа да слави на свој терен во големото дерби на колото. На свој терен претрпеа пораз од Интер Кукла со 1:0. Ова е втор пораз за дрвошани со кој го паднаа на средината од табелата
Младиот тим на Напредок од Радово на свој терен претпре висок пораз од ФК Огражден од Ново Село кој славеше со 7:0 во гости. Домаќините не успеа да најдат против игра на новоселчани кои по две кола се вратија на победите.
На лидерското место останува Спартмани од Градско Балдовци откако пред своја публика славеше со 2:1 против Единство од Пиперево доволни за три бода.
На табелата токму Спартмани се први со 13 бода еден повеќе од Интер Кукла. На третото место е тимот Огражден од Ново Село со 8 бода а Слога Злеово заедно со Дрвош и Илинден од Добрејци имаат по 7. Претпоследен е Единство од Пиперево а без бод е Напредок од Радово. ( В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
