Ако до петок вработените во ЈП Паркиралишта Струмица не ја добијат јулската плата, синдикатот ќе започне со подготовка за генерален штрајк. Вака соопшти Фидан Методиев претседател на синдикалната организација на ЈП Паркиралишта од Струмица откако вработените од менаџментот на претпријатието добиле известување дека сметката е блокирана.
Методиев вели дека не се знае кога ќе им биде исплатена платата. Сметката им била блокирана поради долгови кон доверители за реализирани проекти нарачани од Општина Струмица а за кои нема пушено пари на ЈП Паркиралишта . Тука ги спомна Новогодишното украсување на Струмица и промената на канделабрите на старата чаршија и реконстуркација на јавното осветлување на улицата Сандо Масев.
Впрочем ова стои и во известувањето потпишано од директорот на ЈП Паркиралишта Иван Стаменковски што го добиле вработените
,, Изведбата на овие проекти е реализирана со договор помеѓу Општина Струмица како нарачател и ЈП Паркиралишта како изведувач а средствата се обезбедени од Буџет на Општина Струмица од програмите ЈЗ и ЈА. Очигледно е дека и покрај извршените и реализирани проекти, не се исплатени средствата кон ЈП Паркиралишта од Струмица од страна на Општина Струмица за да истите да бидат исплатени кон надворешните изведувачи“, стои во известувањето до синдикалната организација и вработените од директорот Иван Стаменковски
Во известувањето е наведено дека информирани се сите надлежни и се бара за овој проблем да се расправа и Советот на Општината .
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
