Граѓанското здружение ,,Мултус’’ од Гевгелија објави ново сатирчно видео со кое упатува порака, дека секоја вест на интернет не значи дека е вистинска и пред да и се верува треба да се провери од повеќе извори. Станува збор за видео од проектот ,, Сите вистини на веста’’ што ова здружение го реализира со поддршка на ЕУ преку “Критинк” проект кој го спроведува фондација Метаморфозис и Еуротинк – Центар за европски стратегии .
,,Медиумите имаат тенденција да создаваат содржини кои подоцна се провлекуваат како да се издржани вистини. Во случајот, суеверието е одличен пример. Неретко среќаваме статии полни со „насоки“ кои посочуваат како да не бидете сиромашни. Тоа е класична манипулација со луѓе од одредена општенствена категорија. Истото се случува и со статии за здравје, една состојка ќе излечи болест за 40 дена, истото се случува и со високо политички игри, кои немаат издржаност ниту потврда од некаков релаванен извор, а се наметнати дека треба да се земат како вистини,, ни изјави Лиле Танчева од Мултус
Видеото е изработено во соработка со продукцијата ,,Диверзија’’ и Дејан Малзарков за да укажат дека вестите на интернет некогаш знаат да ја манипулираат јавноста како што ,,гатачите’’ манипулираат со претскажувањата и нудењето ,,лекови’’ за одредена состојба.
,,Многу луѓе веруваат дека „прочитав на интернет“ е доволна причина за да е нешто точно. Интернетот дозволува пристап до секого и секој може да генерира содржини, дали да го каже своето мислење или да создава содржини кој ќе му донесат некаква слава или пари преку реклами. 1000 пати повторена лага, не треба да стане вистина. Ако не постои детална релевантна потврда, сериозно размислете за информацијата,, вели Танчева од ,,Мултус’’
Медиумски партнери на проектот ,,Сите вистини на веста’’ се Радио Тајм ФМ и Телевизија Нова од Гевгелија како и информативниот портал Дрнка.МК
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
