Првиот човек на Општина Василево Славе Андонов е во работна посета на збратимената турска општина Согут со цел да се продлабочи соработката на сите полиња меѓу овие две општини. Турската Согут неодамна донираше возило за прочистување на фекалната канализација за што Славе Андонов личнно ја пренесе благодарноста од граѓаните на Општина Василево до градоначалникот на Согут Ферхат Дургут.
На средбите со градоначалнникот, стручните работници и советници во општинската админситрација како што вели градоначалникот Андонов е разговарано за предизвиците на локално ниво и можни решенија, како и размена на искуства во секоја област.
,,Разговаравме за продолжување на соработката на сите полиња а посебен фокус ставивме како до поквалитетни комунални услуги за сите граѓани во Општина Василево и подобрување на капацитетите на нашето комунално претпријатие. Секако дека периодов ќе биде искроистен за зајакнување на веќе воспоставените врски и градење на мостови на пријателства,, кажа Славе Андонов
Неодамна Општина Василево од Општина Согут Турција доби возило – цистерна со вакум за чистење на фекалната канализација или оние краци каде е детектирано запушување и слаб проток на фекалиите. Со ова возило не само што ќе се заштедат средства туку и пофункционално ќе се одржува фекалната канализациона мрежа.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
