Повеќе домашни и странски клубови се интересираат за 16 годишниот голман на Академија Пандев – Славе Вргов од Моноспитово зад кого застана и италијанскиот фудбалски агент Алесио Сундас кој пак во младиот Вргов гледа како нова ѕвезда на европскиот фудбал. Вргов не сакаше да конкретизира кои се клубови веќе покажале интерес за него, бидејки тој е фокусиран на редовните тренинзи и контуинираното вложување во голманската кариера. Вргов во јануари ќе наполни 17 години. Висок е 186 сантиметри а со фудбалот се занимава веќе неполни пет години.
,,Љубовта кон фудбалот ја добив уште од рана возраст, моето детство го поминав на игралиште со топка. Мојот татко Ангел беше тој што ме поттикна да го сакам спортот особено фудбалот. Да се развивам здраво среќно и успешно. Тој беше главниот ,,виновник’’ да застанам на голманската позија за што сега сум му многу благодарен. Тренирам во најдобриот клуб Академија Пандев, таму учев и се развивав успешно, исто така сум дел од младите репрезентации на Македонија од моите 14 години па до ден денес,, ни изјави Вргов
СЛАВЕ ВРГОВ има одлична статистика на одбрани. Најинтересен и меч што ќе го памети во досегашниот дел од неговата кариера е репрезентативниот меѓу Македонија и Таџикистан во мај годинава кога на пенали Македонија ги доби со 5:4. Вели за да се успее во било што треба да се сака работата.
,,Според мене а се надевам и други исто ќе кажат најпотребно е да се има желба многу работа залагање и најбитно од се дисциплина. За во иднина сеуште не се знае ништо,се надеваме на добри работи и на големи успеси во иднина,, вели Вргов кој упати и благодарност и до американсата групација Спорт менаџмент
В.Трајков
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
