Градежни екипи на Универзал Градба од Струмица интензивно го работат платото пред Домот на културата во селото Нова Маала во Општина Василево кој паралелно ќе биде соодветно и партерно уреден. Станува збор за проект кој Општината го реализира со свои и пари од БРР за што во март минатата година градоначалникот Славе Андонов склучи договор со директорот на Бирото.
Како што информираа од Општината, планирано е бетонирање и поплочување на платото, уредување на паркинг простор, поставување на урбана опрема, клупи и корпи за отпадоци, фонтана за вода за пиење, летниковци и детски реквизити, како и хортикултурно уредување.
,,Со реализација на активностите планирани со овој проект ликот на населеното место Нова Маала целосно ќе се промени.Со уредувањето на овој простор ќе се зголеми и функционалноста на Домот на културата со зголемување на можностите за организирање на настани како од затворен, така и од отворен тип а целиот простор ќе биде функционално, плански осмислено и урбано уредено катче,, информираше градоначалникот Славе Андонов
Изградбата на платото комплетно треба да заврши до крајот на септември оваа година. Вкупниот Буџет за реализација на овој проект изнесуваат 4 354 339 денари. Дел од средствата, во висина од 3.822.674 денари општината ги обезбеди од Бирото за регионален развој преку Програма за рамномерен регионален развој за 2022 година, а остатокот се од општинскиот Буџет.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
