Со полн интензитет се изведува локалниот пат од село Дамјан до село Погулево каде механизација на струмичката фирма Портланд секојдневно работи на пробивање на трасата. Патот е од круцијална важност и значење за овој дел од регионот од аспект на развојот на стопанските дејности како и пристап до земјоделско земјиште, пристап до сточарските фарми и познатите културно-историски локалитети.
Овој проект се реализира со средства обзбедени од Центарот за развој на Југоисточниот плански регион и од Буџетот на општина Радовиш. Трасата е во должина од 1,9 км., ширина од 3,5 м. а вредноста изнесува 9,5 милиони денари. Патниот правец Дамјан – Погулево се очекува да биде до крајот на ноември имајки во предвид дека фирмата Портланд која во конкуренција на 12 компании понуди најдобра цена беше воведена во работа во април годинава а според склучениот договор работите треба да завршат во рок од 6 месеци
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
