Првиот човек на ЈП Државни патишта Ејуп Рустеми при последната посета во струмичко не прецизраше кога ќе отпочне реконструкцијата на патот Р 1109 од Богданци до Гевгелија за кој жителите од двете општини со години реагираат. Посочи дека патот бил планиран за 2022 година и се разгледуваат сите финансиски можности да се реализира. Тој одоговори дека само ќе се работи обиколницата во Богданци .
,,Го имаме предвидено во планот за јавни набавки и треба да го разгледаме и што побрзо да го објавиме тој тендер за избор на изведувач, но треба да бидеме реални дека овие цени на градежништвото отидоа нагоре и ги разгледуваме сите финансиски можности да го реализираме ова година. Секако ако имаме можности ќе го продолжиме и тој пат,, кажа Рустеми кога најави дека
Во годишниот план за јавни набавки на ЈП Државни патишта за 2022 е предвидена распишување на тендер за ,,Реконструкција со проширување на регионалниот пат Р1109 , делница Понов мост влез во Богданци,, за кој пред две години имаше геодетско снимање за потребите на проектната документација. Во годишниот план за јавни набавки на ова јавно претпријатие е планиран и распишување тендер за избор на фирма за надзор за таа намена, но двете јавни набавки сеуште не се распишани на системот на Бирото за јавни набавки.
Жителите на Богданци и Гевгелија бараат итна реконструкција на патниот правец што ги поврзува овие две општини. Тврдат дека со години добиваат само лажни ветувања од надлежните институции но никако да се реши ова делница која е тесна со нерамна подлога и многу дупки и крпеници. Учесниците во сообраќајот велат дека патот е во катастрофална состојба и ризичен за возење. Граѓаните на Богданци и Гевгелија за реконструкција и проширување на патотот, собираа потписи но и организираа протести.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
