Младата оперска пејачка Сара Јанева од Сушица општина Ново Село, изминативе период имаше неколку настапи во Словенија во рамките на изведбата на операта ,,Кармен” од Жорж Бизе, каде одлично се престави во улогата на Фраскита. 22 годишната Јанева улогата ја доби од диригентот Џорџ Пехливаниан во рамките на неговата Летна Академија за што претходно ја помина аудицијата за овој проект.
Летната академија траеше еден месец од кој половина се работеа на уловите со Пеливаниан и словенечкиот тенор Јанес Лотрик додека во останатата половина од месецот одржаа 11 концерти во Словенија и тоа Радовлица, Изола, Шкофја Лока, Блед, Порторож, Постојна, Идрија, Лашко, Велење , Крањ, Брезовица.
,,Драго ми е што имав можност да соработувам, но и да се спријателам со учесниците од Хрватска, Србија, Босна и Херцеговина, Словенија, Франција и Шпанија. Сите живеевме, работевме и патувавме заедно, така што разделбата по завршувањето беше прилично емоционална. Инаку за време на настапите Бевме придружувани од оркестарот на маестро кој брои млади музичари кои ги завршиле своите студии или се уште студираат на Факултетот за музичка уметност во Љубљана,, ни изјави Сара Јанева
Сара Јанева дипломираше на музичката академија во Скопје во класата на професор Весна Ѓинова Илкова. Таа во 2019 тата на Интернационалниот фестивал во соло пеење и камерна музика ,,Во срцето на Виена,, во Австрија доби награда за исклучителни вокални перформанси во мецо сопран. Истата година Јанева бешепрвонаградена на Балканската романсијада во Софија- Бугарија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
