Двајцата херои Бранко Караколев и Самир Патрон од Дојран, откако доброволно на своја иницијатива го исчистија отворениот канал на ХС Ѓавато, планираат да се посветат на чистење на Јалмскиот канал и месноста Топлец. Нивната посветност кон природата и заедницата ја препозна и првата краудфандинг платформа во Македонија еCrowd каде може без никакви трошоци да се донира за лица кои несебично даваат свој придонес кон заедницата
„Работат исклучиво од љубов кон природата и заедницата, но нивната иницијатива бара средства за алат, заштитна опрема, механизација и транспорт. Фондацијата ја поддржува нивната работа со ресурси и организациска помош и ќе ги ангажира на проекти каде нивните мајсторски вештини ќе бидат клучни. На овој начин тие ќе можат да обезбедат приходи за себе и своите семејства, а истовремено да продолжат да враќаат на заедницата преку слични акции,, стои во описот на кампањата на еCrowd каде може да се донира од 100 па и повеке денари
Самир и Бранко станаа актуелни изминатиов период. Станува збор за другари од Нов Дојран кои се невработени. Изминатиот период сами го исчистија отворениот канал на ХС Ѓавато по кој се влева водата во Дојранското езеро. Тргнаа на почетокот на август бидејки свесни биле дека со пуштањето на пумпите од бунарското подрачје кај Богданци, водата ќе се излевала по околните ниви идентично како и минатата година. Неодамна тие го финишираа нивниоѕ потфат кога ангажираа и багерче за да се исчистат поселдните метри.
И двајцата херои реагираа што никој од институциите не им помогна во нивниот потфат а упатија благодараност до оние поединци кои им помогнаа со намирници, гориво и скромните средства кои заминаа во ангажирање на механизација за чистење. (В.Трајков)
Освен на еCrowd граѓаните може да уплаќаат средства и на жиро сметка отворена наменска за нив
300007123000260 Комерцијална банка
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
