Центарот за поддршка на НВО – Гевгелија (РЦОР) во наредните 12 месеци ќе работи на унапредување на родовата еднаквост во општината преку унапредување на програмите во локалниот Буџет. Станува збор за проектот ,, Еднаквост и можности за сите’’ кој ќе го реализира во рамките на националниот проект ,, Низ женски леќи покревање на политики и буџетски инициjативи, следење на спроведувањето на локалните акциски планови за родова еднаквост“ кој го спроведува Центар за истражување и креирање политики од Скопје, финансиран од Европска Комисија
,,Цел на проектот е унапредување на родовата еднаквост во општина Гевгелија преку унапредување во планирањето на програмите во локалниот буџет на општината. Во рамки на проектот предвидени активности се: мониторинг на Програмата за еднакви можности, средби со општинската администрација и Комисијата за еднакви можности при Советот на општина Гевгелија, подготовка на извешати, организирање на јавен настан, подготовка и дистрибуција на информативен леток.,, соопштија од Центарот за поддршка на НВО Гевгелија
Со реализацијата на проектот ,, Еднаквост и можност за сите’’ Центарот очекува да се добијат препораки за подобрување на Програмата за еднакви можности; ревидирање на активностите предвидени во акцискиот план за родова еднаквост и негова реална имплементација; анализа дали распределбата на буџетот е извршен на родово рамноправен начин.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
