Центарот за развој на Југоисточниот плански регион го промовираше прекуграничниот проект со општина Сандански од Бугарија насловен како ,,Заеднички мерки за спречување и намалување на последиците од катастрофи во општините Сандански и Радовиш’’ чија вредност изнесува околу 588 илјади евра од кои 192 илјади се од општина Радовиш а останатите се обезбедени од ЕУ и од министерството за локална самоуправа
Главна цел на проектот е спречување и ублажување на последиците од природни катастрофи од прекугранична димензија, со тоа што главна активност во Југоисточниот регион е уредување на дел од коритото на реката Сушица во општина Радовиш во должина од 624 метри. Проектот предвидува чистење на коритото, поставување на каскадни прагови, кејски ѕид, уредување на дното, градење скали и рампи. Сето тоа како што беше најавено ќе почне од март идната година.
,, Сушица е дел од речниот слив на река Струмица и поплавите таму предизвикуваат поплави во целиот струмички регион и затоа е многу важно да се спречи уште од самиот старт. Свесни сме дека се случуваат последици од поплави затоа се насочуваме да работиме на вакви проекти но и да ја подигнеме јавната свест кај граѓаните во делот на последиците предизвикани од климатските промени односно поплавите пред се најмладите да знаат како треба против поплавите ,, изјави Жулиета Ѓуркова од Центарот за развој на Југоситочниот плански регион
Преку овој Проект со отворени зелени работилници ќе се изврши пошумување и позеленување околу коритото со што ќе се направат чекори кон намалување на негативните последици. Ќе се подготви водич „Збирка на добри практики за борба против последиците од климатските промени во заедниците“, како и тркалезни маси за дискусија за ублажување на последиците од климатски промени за поддршка и размена на добри практики.
Од општина Радовиш сметаат дека регулацијата на коритото на Сушица ќе има бенефити и целиот струмички регион бидејки надојдените води во ова река освен во ова општина предизвикува последици и вдолж течението. Како што истакна Лазар Газепов, излевањето на Сушица досега во три наврати предизивкала огромни последици
,,Реката Сушица надоаѓа мошне брзо при поројни врнежи и предизвикува големи проблеми и на инфраструктурата и домовите во Радовиш а предизвикува и последици на површините во целиот струмички регион. Со уредувањето на речното корито, изградбата на каскади, ќе се ублажи течението на реката за да се спречат последиците,, рече Лазар Газепов од општина Радовиш
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
