Деновиве почна интензивно да се работи на отстранување на оштетената пешачка патека покрај Дојранското езеро која беше уништена од надојдените води и отварање простор за нова плажа. Станува збор за делот кај Стара Мрдаја каде со средства на Центарот за развој на Југоисточниот плански регион ќе се прави нова плажа меѓу плажата на Елем и плажата на ФукТак, додека патеката која беше целосно демолирана од езерото ќе биде дислоцирана кон патот.
,, Станува збор за проект на Центарот за развој на Југоисточниот плански регион кој обезбеди средства за отварање нова плажа. Станува збор за простор од околу 300 метри. Патеката ќе биде дислоцирана за да може езерото природно дише и се чисти што впрочем го бараа сите добри познавачи на езерото. Патека ќе има. Таа ќе ја заобиколува плажата и ќе биде не неколку метри паралелно од патот. Знам дека е туристичка сезона, но станува збора за донација и е во функција на Дојран кому му фалат нови плажи. Се надевам дека сите ќе имат разбирање. Очекувам дел од плажата да биде готова за две недели,, ни изјави градоначалникот на Дојран Анго Ангов
Просторот го уредува фирмата Џови компани од Ново Село кој достави најниска цена за реализација на проектот ,,Хортикултурно и партерно уредување на дел од езерското крајбрежје и формирање на езерска плажа во Дојран’’ во висина од 3 милиони и 850 илјади денари. Средставата за реализација на проектот се на Центарот за развој на Југоисточниот плански регион а општина Дојран ќе паритципира со 10 проценти
Според склучениот договор, плажата ќе има благ нагиб по која ќе биде насипан автохтон песок со дебелина од над 30 сантиметри откако претходно ќе се тампонира со речен шлунковит сепариран камен од половина метар. Плажата би требало да биде широка околу 20 метри а дел од неа ќе биде ќе биде озеленета. Фирмата изведувач треба да го дислоцира и канделабрите кои беа под вода на овој потег
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
