Утре продолжуваат натпреварите од Првата женска одбојкарска лига на Македонија. На програмата е третото коло кое го носи и првото градско соочување меѓу ланските полуфиналисти Наковски волеј и Струмица жени. Мечот е закажан во 17 часот во салата при СОУ,, Димитар Влахов” во кој избраничките на Хари Наковски и Александар Митев влегуваат со предност со оглед на учинокот по првите две кола.
Наковски Волеј зад себе има победа од 3:0 против Вардар ЕМ но и пораз од 3:1 во сетови од Јанта во Скопје. Струмица жени во воведните две кола немаат победа. Загубија од Работнички на свој терен но и од Вардар Жени во Скопје со резултат од 3:1 во сетови. Но императивот дека станува збор за локално дерби ќе дадат максимум против Наковски волеј.
Утре на прв победа ќе оди и третиот струмички прволигаш Македонија Макс. Домаќин е на Вардар ЕМ од Скопје. Макс по двете кола нема победа. Загубија од Фит Фан во Скопје со 3:1 но и од Работнички со 3:0. Мечот е закажан во 20 часот и 30 минтуи
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
