Градежната фирма ,,Универзал Градба’’ од Струмица ги почна работите за реконструкција на улицата од поштата до црквата во општинскиот центар Василево во должина од 216 метри . Станува збор за проект за кој општина Василево ги обезбеди средствата од Агенцијата за финансиска поддршка во земјоделството и руралниот развој во висина од 4 милиони и 540 илјади денари, откако жителите од ова населено место побараа ова фрекфентна улица која води цо селската црква да се реконструира.
,,Според проектната документација улицата од поштата до селската црква ќе добие сосема нов лик. Планирано е целосно асфалтирање на делница од 216 со ширина од 6,7 метри. Паралелно ќе бидат изградени тротоари од двете страни на улицата кои ќе бидат како печашки патеки а паралелно ќе се постави и ново улично осветлување. Од денеска почнаа работите и за поставување на атмосферска канализација ’’, истакна градоначалникот на Василево Марјан Јанев
Улицата во Василево е само една од 14 те кои се работат во ова општина, дел со општински средства, дел со пари обезбедени од државните агенции, се со цел подобрување на локалната патна инфраструктура и подобри услови за живот на граѓаните во населените места во општината.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
