Со Божја милост и благослов на епископот на Католичката Црква во Македонија д-р Киро Стојанов, деновиве почнаа работите за изработка на фрескоживописот на Парохиската црква „Раѓање на Св. Иван Крстител“ во Струмица. Според информациите истиот ќе го работи фрескописецот Ѕвонко Ангеловски од Струмица кој пред да отпочне со сликање на фрескописот доби благослов и од парохот на црквата Гоце Костов, кој не информираше дека ќе се работи етапно а средствата за реализација на овој зафат, ќе се прибираат од донации верници но и сите општествено одговорни фирми кои сакаат да донираат за да се заокружи овој сегмент.
,,Црквата ќе се фрескописа етапно, започнувајќи од олтарниот дел, а ќе се финансира со донации на верниците и луѓе со добра волја. Од тука свештениците и црковниот одбор ги повикуваат верниците и сите луѓе со добра волја да помогнат што побрзо да се заврши отпочнатиот фрескопис со што црквата ќе го добие својот вистински духовен сјај и убавина,, ни изјави Гоце Костов парохиски свештеник на црквата „Раѓање на свети Иван Крстител“ во Струмица.
Костов изрази благодарност за сите оние кои што веќе донираа да започне изработката на фрескоживописот во Црквата а сите донатори се споменуваат на литургиите што се служат во Црквите како знак на благодарност за помошта да се заокружи со фрескописа овој свет храм
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
