Почна да функционира стационарот за бездомни кучиња „Лана“ во Струмица кое располага со 58 индивидуални боскови, амбуланта, хируршка сала, каде уличните кучиња ќе бидат згрижени, стерилизирани, вакцинирани со престој одреден временски период. Паралелно „Лана“ располaга и со две возила со по 6 кафези со кои ќе се врши заловување на кучињата по струмичките улици кои станаа горлив проблем за струмичани. Во стационарот веќе се згрижени 50 тина бездомни кучиња кои се сместени во боксовите.
,, Наша цел е стационарот Лана да биде привремен дом за уличните кучиња, место каде ќе бидат згрижени, безбедни. Место каде ќе може да се сретнат лубителите на кучињата но и можност да вдомат некое,, кажа директорката Сузана Стојкова.
Стационарот „Лана“ е резултат на повеќегодишната иницијатива и заложба на Центарот за развој на Југоисточниот плански регион кој го изгради и обезбеди возила за заловување на уличните кучиња. Требаше да функционира како регионално претпријатие но по последните локални избори, новоизбраните градоначалници одлучија основачките права да и ги префрлат на Општина Струмица која покажа интерес да има свое јавно претпријатие за таа намена.
,, Ова е почеток на решавање на еден горлив проблем. Се надевам дека стационарот ќе ги дава очекуваните резултати. Ме радува фактот што веќе постои интерес од граѓани што сакат да вдомат кучиња од овој стационар и на ова поле мора да се работи. Инаку ова Јавно претпријатие ќе биде самоодржливо бидејки веке се потпишани договори со други општини за заловување. Од наша страна вложивме околу 7 милиони денари, без средствата што ги обезбеди Центарот за развој на Југоисточниот плански регион за што упатувам благодарност и до Жулиета Ѓуркова. Од нашиот Буџет за работата на ова ново јавно претпријатие за годинава издвоивме 4,5 милиони денари ,, рече градоначалникот Костадин Костадинов.
Инаку лани во Струмица биле регистрирани 30 тина граѓани каснати од улични кучиња чиј број е зголемен за што општинските власти сметаат дека се носат од други општини во Струмица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
