Женскиот фудбалски клуб Тиверија сега со додавката Брера полни 13 години постоење и функционирање на фудбалската сцена. Почна скромно со неколку ентузијасти и пет девојки сакаа да се докажуваат со фудбалската топка .Многумина не веруваа во проектот наречен женски фудбал но клубот контуинирано им пркосеше на скептичните лица. Со ентузијазам, посветеност и желба за работа, клубот кој стартуваше од нула стаса до КУП титула и стана расадник на млади и квалитетни фудбалерки за што зборува податокот дека е неколкукратен македонски шампион во кадетско-младинска конкуренција со голем број репрезентативки.
,, ЖФК Тиверија Брера АД успеа да создаде еден стабилен клуб кој е добро препознатлив во државата. Среќни сме што сме позитивен пример и што први потпишавме професионални договори со домашни фудбалерки како и што станавме првото АД женски фудбалски клуб. Можам да кажам дека на почетокот беше многу тешко да се привлечат девојчиња да тренираат фудбал, но со тек на време, со многу работа и посветеност, како и со поддршка од сите машки фудбалски клубови во Струмица, успеавме да го промениме менталитетот и фудбалот да се третира подеднакво женски колку што е и машки спорт во Струмица.,, ни изјави Александра Терзиски претседател на клубот
Во рамките на клубот кој е дел и од повеке еколошки и хуманитарни акции и настани фунцкионираат речиси сите школи. Се работи професионално и посветено. Желбата е по КУП да се стаса и до Шампионската титула не само во младинските категории туку и со првиот тим.
,,Амбициите во клубот секогаш се високи во сите генерации во кои се натпреваруваме, меѓутоа фокусот е ставен на нашите домашни фудбалерки – Струмичанки кои се столб на нашиот клуб. И после 13 години може да кажеме, ова е само почеток, следуваат подобри денови и поголеми успеси“ вели Александра Терзиски претседател на клубот
ЖФК Тиверија е првиот клуб кој потпиша професионални договори со домашни фудбалерки. Клубот се трансформираше во прво акционерско друштво во Македонија со влегувањето на Брера Холдинг и големиот Горан Пандев во клубот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
