Директорот за Центарот за развој на Југоисточниот плански регион и Министерот за локална самоуправа го потпишаа Договорот за реализација на инвестицискиот проект со дигитална компонента од Грантовата шема на проектот „Одржлив и инклузивен рамномерен регионален развој”- 2 фаза, финансиски поддржан од страна на Министерството за локална самоуправа и Швајцарската Амбасада во вкупна вредност од 22.899.786,00 денари.
Во рамки на овој проектот предвидена е изградба на систем од фотонапонски централи на кровови на два јавни објекти ООУ „Крсте Петков Мисирков“ и СРЦ „25ти МАЈ“ во о.Радовиш со капацитет од 430 kw и софтверски дигитален систем кој ќе овозможи навремен директен увид во тековната состојба, од кои бенефит ќе имаат три општини од Југоисточниот регион и тоа: о.Радовиш, о.Конче и о.Василево.
Преку дигиталната компонента проектот ќе таргетира нови софтверски решенија во делот на искористување и производство на електрична енергија од алтернативни извори на енергија и заштита на животната средина, како и ефикасно следење и пренасочување на произведената енергија таму каде што во определен момент е потребна.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
