Откриен споменик во чест на радовишките борачи. Бистата е поставена на кружниот тек на булеварот Александар Македонски која ќе сведочи за пожртвуваноста, упорноста и љубовта на борачите кон БК ,,Бучим“ и Радовиш. Во присуство на голем број граѓани, сегашни и поранешни борачи беше откриена бистата која го симболизира зафатот на двајца борачи.
„ Нека овaa Биста на борачи биде место на сеќавање, но и место на инспирација. Нека ги потсетува младите дека со труд, дисциплина и верба можат да се достигнат највисоките европски и светски врвови. Нека ја чува приказната за Боречкиот клуб „Бучим“ – приказна за успех, гордост и спортски дух. Oвaa Биста на борачи е траен белег на таа историска победа. Тој е израз на почит кон сите борци кои со својата пожртвуваност, упорност и љубов кон спортот го создадоа овој успех. Тој е сведоштво за време во кое спортот беше чест, идеал и начин на живот“, објави градоначалникот на Радовиш Љупче Почивалец
„Биста на борачите“ е донација од Адора Инженеринг и Фондација Чифлиганец, во чест на 30 годишнината од освојувањето на Европската клубска титула на Бучим Јака, Радовиш.
,,Особена благодарност и искрено признание му упатуваме на проф. д-р Чифлиганец – човекот кој во тоа време ја препозна силата на спортот, застана зад клубот и даде немерлив придонес за овој историски успех, а денес, како донатор на овој симбол, уште еднаш потврдува дека вистинските визионери оставаат трајни вредности за идните генерации“, објави градоначалникот Почивалец
Пред точно 30 години, тука во Радовиш, Боречкиот клуб „Бучим“ испиша златни страници во македонскиот и европскиот спорт, освојувајќи ја европската титула и станувајќи европски првак. Тоа не беше само спортска победа – тоа беше победа родена од трудот, калена со дисциплина, водена од вербата и зацврстена со заедништвото. Победа која му донесе гордост не само на клубот, туку и на градот Радовиш и на целата држава. (В.Т)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
