СВР Струмица изврши акциска контрола на подрачјето кое го покрива, во поглед на откривање на учесници во сообраќајот под дејство на алкохол. Акцијата започнала во 17 часот вчера а завршила утрово во 1 часот по полноќ. За време на осумчасовната контрола, полициските припадници на СВР Струмица по патиштата и улиците во 10 те општини од Југоистокот, открила и казнила 11 лица кои управувале моторни возила под дејство на алкохол.
Како што информираа од СВР Струмица пет пијавни возачи се фатени на подрачјето што го покрива Полициската станица во Гевгелија. Три во регионот што покрива Полициската станица на Радовиш, двајца во Струмица и еден возач е фатен под дејство на алкохол во општина Валандово.
Во акциската контрола се откриени и други 51 прекршок. Станува збор за недозволена брзина, управување на нерегистрирано возило или спротивно на законот за безбедност во сообраќајот, законот за возила но и законот за здравствена заштита на населението. Најмногу прекршока се констатирани на подрачјето што го покрива Полициската станица на Струмица -28, на територијата на Полициска Станица Радовиш-14 во Гевгелија и регионот 8 и во Валандово еден прекршок
,, Во периодот од 17.00 часот на 13.01.2021 до 01.00 часот на 14.01.2021 на подрачјето на СВР Струмица била спроведена акциска контрола на возачи кои управуваат возила под дејство на алкохол. Притоа, биле откриени 62 прекршоци, од кои 11 за акциската контрола и 51 останати прекршоци, кои се соодветно санкционирани,, информираа од МВР
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
