Попладнево избил пожар на отворено на границата со соседна Грција во атарот на селото Селемли помеѓу општините Богданци и Дојран и поминува преку фронтовата линија од Првата светска воја. Според директорот на ЦУК Стојанче Ангелов биле слушнати и 4 силни експлозии поради неексплодирани мини од овој период на овој предел.
„Досега се слушнати 4 силни експлозии. Тоа што станува збор за реон со неексплодирани мини го усложнува гасењето оти пожарникарите не можат да се приближат. Ќе се гаси со ‘ер тракторите’ на Дирекцијата за заштита и спасување. „Двата ер трактори на ДЗС веќе се активни. Исфрлија по неколку тури вода. Ќе продолжат да дејствуваат се додека пожарот целосно не го изгаснат. Пожарот меѓу другото се движи и кон грчка територија и според сегашните информации на едно место веќе е префрлен на грчка територија“ вели Стојанче Ангелов, директор на Центарот за управување и кризи (ЦУК).
Пожарот се движи кон грчка територија и на едно место е префрлен, за што се известени властите во Грција, рече Ангелов.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
