Попладнево избувна пожар на локалитетот Погана помеѓу Гевгелија и Богданци . Според Центарот за управување со кризи пожарот се појавил во поле кој подоцна поради ветрот се проширил во шума и стасал во непосредна близина на населеното место Ѓавото.
Од таа причина веднаш се активирале противпожарни единици од Гевгелија а на помош како што соопштуваат од Општина Богданци пристигнале и екипи од Струмица, Валандово, Кавадарци. Попладнево требаше да интервенира и хеликоптер на АРМ заради непристапноста на теренот. Но поради лошите временски услови како што стои во известувањето од ОЦ на ГШ на АРМ хеликоптерот треба да интервенира утре во 5 часот наутро
Последните информации говорат дека пожарот сеуште е активен. Екипи во текот на ноќта ќе дежурат соопштуваат од Општина Богданци, од каде потврдија дека интервенција од воздух се очекува во раните утрински часови
Порталот „360 степени“ вечерва околу 21 часот и 30 минути објави дека пожарот над селото Ѓавото е локализиран. Како што сведочат жители за овој портал, оган сеуште имало но тоа биле помали пламени кои згаснуваат.
Од Центарот за управување со кризи во 23 часот пак информираа дека огнот е контролирано пресечен на 150 метри од селото и свртен во правец на црквата и гробиштата.
,,Со голем ангажман на пожарникарите и лицата коишто го бранеа селото Ѓавато од огнената стихија, огнот е контролирано пресечен на 150 метри од селото и свртен во правец на црквата и гробиштата и не е навлезен во селото, според досегашните информации. Дежурните пожарникарски мешани екипи се распоредени со возила на 50 метри во линија пред селото и ќе се обидат да ја одбранат таа линија до утре наутро, иако огнот за сега имал зафатено само една стара истурена куќа на перферија од селото,, соопштија од Центарот за управување со кризи
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
