Заврши шестата финална активност во рамките на проектот „Прекугранична соработка во справување со шумски пожари“ кој го реализира Центарот за развој на Југоисточниот плански регион во партнерство со Асоцијацијата на Југозападни општини. Станува збор за вкупно шест специјализирани обуки за професионални пожарникари и доброволци од пгораничните региони на Македонија и Бугарија а се одржуваа во земајва и кај источниот сосед.
Целта на обуките беше збогатување и проширување на знаењата, нови искуства, практични вежби и користење на соодветна опрема во справувањето со шумски пожари, но и други природни и човечки предизвикани катастрофи. Последната активност од обуките беше своевиден натпревар кој помина во пријателска атмосфера и но можност да се зајакнат врските меѓу пожарникарите од двата погранични региона кои од овој проект добија и заштитна опрема за гаснење шумски пожари.
,,Пожарникарите и доброволците се натпреваруваа во три дисциплини а на крајот победниците ќе добијат симболични награди. Значајно е да се истакне дека пожарникарите од двете страни преку овој проект добија лична заштитна опрема односно комплет обука за справување со шумски пожари како и соодветна опрема,, кажа Мима Станоевска од Центарот за развој на Југоисточниот плански регион
На завршната вежба во Струмица присуствуваа пожарникари од единиците на Струмица, Радовиш, Валандово и Гевгелија но и од доброволните друштва од Конче и Дојран како и од 16 доброволни друштва од Бугарија
,,Проектот направи мрежа на нераскинливи пријателства и врски, како професионални така и приватни. Обуките поминаа во едукација, вежби и натпревар. Натпреварот помина во пријателски дух и беше одлична можност сите да се претстават во најдобро светло и да ги покажат своите вештини пред своите колеги,, објавија од Центарот.
Обуките се дел од имплементацијата на проектот за “Прекугранична соработка во справување со шумски пожари“ финансиран од Европската Унија преку Интеррег ИПА Програмата за прекугранична соработка помеѓу Р. Бугарија и Р. Северна Македонија 2014-2020, проект кој Центарот за развој на Југоисточниот плански регион го спроведува во партнерство со Асоцијацијата на Југозападни општини, Благовеград, Република Бугарија.
Овој проект е кофинансиран од Европската Унија преку Интеррег – ИПА Програмата за прекугранична соработка помеѓу Република Бугарија – Република Северна Македонија
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
