На иницијатива на неколку струмичани кои директно или индиректно биле поврзани со струмичкиот спорт, на кружниот тек кај ,,Бурчо’’ кој своевремено бил земјен спортски терен се подигна табла со имињата на сите 200 спортисти и спортски работници што ги дала струмичката населба Бабјак – Чифлик. Станува збор за фудбалери, ракометари, одбојкари, боксери, но и тренери кои оставиле белег не само во македонскиот спорт туку и пошироко.
Еден од иницијаторите е и Томе Семенков. Идејата им била младите струмичани да се потсетат дека населбата Бабјак била најспортска во Струмица и дека дала многу таленти и звучни спортски имиња. На таблата се испишани 94 имиња на фудбалери кои играле за ФК Беласица, 52 кои настапувале за ФК Тиверија, 18 ракометари и исто толку фудбалски тренери, 13 одбојкари и еден боксер кој за време на Југославија бил младински балкански првак. Сите се родени во Бабјак и првите спортски чекори ги направиле на теренот кај Бурчо.
(Таблата на која се испишани сите спортисти од населбата Бабјак-Чифлик од Струмица)
,, Нашата цел е да не се заборават сите тие спортисти кои излегоа од ова населба. Овде каде е подигната таблата до 1960 тата година беше земјен терен каде сите деца од Бабјак, играа фудбал или пак се надмудруваа во одбојка. Не верувам дека една населба од 8 илјади жители во земјава има дадено толку спортисти, кои не беа обични туку за време на Југославија беа и репрезентативци ,, ни изјави Томе Семенков кој има 75 години и бил дел од спротските игри на земјениот полигон кој постоел се до 1960 година
Таблата веќе го привлече вниманието на струмичани кои се потсетуваа за нивните блиски кои биле дел од струмичкиот спорт. Од Бабјак населбата според Семенков од секоја куќа имало по три до пет спортисти кои се натпреварувале со другите маала од Струмица а потоа се изградиле во професионални спортисти.
(кружниот тек кај Бурчо во Струмица кој своевремно бил спортски полигон)
Го спомна Бранко Покрајчавалиев кој е прв младински балкански шампион во Истанбул, фудбалската легенда Васил Рингов, одбојкарските имиња на Стево Вета и професорот Митко Циев кој играше и за југословенската одбојкарска селекција. Најпознати спортски семејства биле Џорлеви, Трендови, Николови, Ричлиеви, Семенкови, Босиљанови, Маказлиеви, Пандазиеви…..
,, Најмногу беа фудбалери дефинитивно, оти по цели денови се играше фудбал на ова место кон кое се одаѓа од девет улици. Војската ни аплаудираше, вработените од монополот. Не следеа како трчаме и играме со топка и бевме страв и трепет за децата од другите маала.
Се надевам дека ова табла ќе даде потик за младите да спортуваат и да ја продолжат нишката дека Бабјак е расадник на спортисти,, вели Семенков кој тврди дека на таблата се имиња на починати но и сеуште живи спортски легенди кој ги повика сите струмичани во недела во 10,30 часот да бидат дел од официјалното промовирање на ова инфо табла за спортистите кои потекнале од ова населба
Еве ги имињата на сите спортисти од Бабјак-Чифлик со кој спорт се занимавал и во кој се клуб настапувал……
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
