Советникот Владимир Ристов е поставен за заменик градоначалник на Општина Струмица. Ристов во иднина ќе го заменува првиот човек на општината Петар Јанков во случај на негово отсуство или спреченост со цел непречно да се реализира работата на општината.
Владимир Ристов кој по професија е правник и вработен во Централен регистар по втор пат е член на Советот на Општина Струмица. Претходно како опозициски советник беше еден од најголемите критичари на работата на претходната локална власт.
Согласно Законот за локална самоуправа, градоначалникот на Струмица Петар Јанков го определи Владимир Ристов за свој заменик. Регулативата налага заменикот да биде лице од редовите на Советот на Општината.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
