Екипи на “Македонија пат” денеска ја асфалтира последната делница од осум километри од патниот правец од Радовиш кон планината Плачковица со која целосно се заокружи овој регионален пат кој доби нови асфалтна подлога. Како што е познато овој патен правец изграден и асфалтиран пред 40 тина година беше во доста очајна состојба па во изминатите три години се обнови коловозот на десетина километри.
Со реализацијата на овој патен правец се отвора можност за интензивирање на планинскиот туризам на Плачковица која по својата богата флора и фауна стана доста атрактивна за многу планинари, посетители и туристи не само од земјава туку од странстов. Таму освен викендици се подигнаа и хотелско сместувачки капацитети кои се одлична основа за интензивирање на туризмот во ова општина
,,Ова е важен проект за нашата општина и ми претставува посебно задоволство што успешно го реализираме во мојот мандат.За прв пат изграден пред четири децении целосно обновен годинава. Развојот и обновата на патната мрежа останува наш приоритет,, објави на својот ФБ профил градоначалникот на Радовиш Герасим Конзулов кој смета дека реализацијата на овој проект носи можност и за патно поврзување со општините Штип и Карбинци.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
