Следната недела ќе почне да работи наплатната рампа после Смоквица на автопатот до Гевгелија каде возачите на патнички моторни возила треба да плаќаат по 100 денари патарина. Станува збор за една од двете патарини на новата делница од Коридорот 10, автопатот Демир Капија-Смоквица а втората треба да се гради кај Демир Капија, каде од идната година ќе се наплаќа по 80 денари. Одлуката за цената на новата патарина ја донесе Владата, а таа ќе стапи во сила за осум дена од нејзиното објавување во Службен весник. Странците, пак, за новата патарина Демир Капија-Гевгелија ќе плаќаат 2 евра.
Од ЈП за државни патишта најавуваат дека за 10 дена ќе биде активиран и системот за електронска наплата на патарините со безготовински смарт картички и уреди за електронска наплата на патарина (таг), за кои веќе се предвидени и попусти од 2 до 7 отсто од надополнетата сума на пари. За почеток надополнувањето на картичките ќе се врши на патарина, или преку мобилна апликација од мобилните телефони, а потоа ќе се определат и други пунктови за надополнување на картичките.
Денеска беше пуштен во употреба автопатот Штип-Миладиновци на кој до крајот на годинава ќе нема наплатни рампи но догодина ќе има на две локации. Со новото автопатска делница патувањето за граѓаните од струмичко радовишкиот регион до Скопје е скратено за околу половина час. Гевгеличани до Скопје до крајот на годинава ќе плаќаат по 280 денари патарини 100 на новата, 60 денари кај Градско, 80 кај Велес и 40денари кај Петровец
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
