Екипата на Интер Кукла од Куклиш е единствената екипа од Општинската фудбалска лига на Струмица без пораз. Во третото коло на свој терен, куклишани ја оправдаа фаворитската улога и со 2:1 славеа против Напредок од Радово. Жика Донев и Добре Црнгаров беа стрелците за головите за домаќините кои ја прокнижаа и третата победа и се сами на лидерсакта позиција во оваа натпреварување.
Дербито од третото коло од Општинската фудбалска лига на Струмица помина без победник. Дуелот меѓу Дрвош со Спартмани од Градско Балдовци заврши 2:2. Головите паднаа уште во првото полувреме додека во вторите 45 минути и двата тима беа претпазливи
Огражден во Ново Село не успеа да извлече победа против Слога од Зелово кој го освои првиот бод во лигата. Дуелот заврши без победник 1:1 иако новоселчани го отворија резултатот.
Најмногу голови падна на комшискиот дуел меѓу Илинден од Добрејци и Единство од Пиперево кој заврши во полза на добрејчани кои славеа со 3:2. Со оваа втора победа Илинден се проби на четвртата позиција
На табелата води Интер Кукла со вкупно 9 бода, Дрвош и Спартмани со по 7 се на втората и третата позиција, Илинден Добрејци е четврти со 6 бода, на петото место е Огражден од Ново Село, шести се фудбалерите од Злеово со бод а без бодови се екипите на Напредок Радово и Единство од Пиперево (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
