Вкупно 38 ученика од Општина Радовиш ќе добиваат стипендии во висина од 2 500 и 3 000 денари во зависност дали се во основното или средното образование. Градоначалникот на ова општина Ацо Ристов им ги додели Договорите за стипендирање на учениците за период од девет месеци. Станува збор за стипендии на талентирани ученици кои постигнуваат резултати и ја промовираат општината со своето образование но и ученици кои се од социјален карактер.
,, Оваа година се доделија вкупно триесет и осум стипендии на талентирани ученици во општина Радовиш од кои: дваесет и седум стипендии на талентирани ученици од VI до IX одделение во основните општински училишта, шест стипендии на талентирани ученици од I до IV година во средното општинско училиште и пет стипендии на одлични ученици по основ на социјален карактер. Стипендиите во основното образование се во висина од 2.500 ден. а во средното образование во висина од 3.000 ден. а се доделуваат 9 (девет) месеци во годината,, стои во ФБ објавата на градоначалникот на Радовиш Ацо Ристов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
