Општина Радовиш распиша Јавен повик за доделување субвенција на млади лица жители на општина Радовиш за полагање на возачки испит од Б категорија. Субвенцијата е наменета за средношколци редовни или вонредни ученици од трета или четврта година во СОУ „Коста Сусинов“ Радовиш или за млади радовишани трета или четврта година кои учат во други средни училишта во земјава и странство на струки кои ги нема во Радовиш како и за млади невработени до 26 години а живеат на територијата на Општина Радовиш.
„На барателот/физичкото лице што ги исполнува критериумите на овој јавен повик ќе му се надоместат дел од трошоците направени за полагањето на возачки испит при стекнување на возачка дозвола од Б категорија во висина од 12.000,00 денари. Средствата по барањето ќе се исплатат по доставување на доказ за положен возачки испит – добиена возачка дозвола од Б категорија до комисијата во Општина Радовиш. Доколку барателот не го положи возачкиот испит во тековната година по поднесеното барање во периодот од 1 Јануари до 1 Декември и не поднесе доказ за положен возачки испит најдоцна до 1 Декември во тековната година, го губи правото на субвенционирање и предвидените средства нема да му бидат исплатени“ стои во повикот
Барањата со потребните документи треба да се достават најдоцна до 6.03.2026 година во Општина Радовиш.
За и околу условите но и потребните документи можете да видете ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
