Градоначалникот на Радовиш Герасим Конзулов потпиша договор со управителот фирмата ,,Техноинженеринг” Игор Крстев – која даде најдобра понуда и најниска цена по распишаниот тендер за уредување на јавните површини во Радовиш но и населените места Тополница, Али Коч и Сурдулци. Станува збор за едногодишен договор со кој треба да се градат улици, патеки, тротоари, паркинзи се со цел да се подобри квалитетот на живеење како во градот така и во населените места.
Вредноста на договорот изнесува околу 5,5 милиони денари и во рамките на висината на овие средства, изведувачот ќе мора да ги уредува јавните површини во Радовиш и во населени места согласно конечната предмер пресметка од техничката спецификација на позиции кои ќе ги утврдат општинските власти.
Според информациите планирани се изградба на улици во населените места Аликоч, Сурдулци, Тополница, Коџалија со бехатон со површина од околу 1000 метри квадратни. Бетонирање на улица во Шаин маале во Радовиш во должина од околу 305 метри. Паралелно ќе се градат и патеки и пристапни улички во Радовиш
,,Со реализација на реализираниот тендер за уредување на јавни површини со бехатон плочки, наидовме на одобрување – позитивни оценки од граѓаните. Затоа продолжуваме со оваа активност, со нов тендер, со што уште доста јавни површини (улици, тротоари, пешачки патеки, паркинзи) во градот и неколку населени места ќе бидат реализирани. Го потпишав договорот со најповолниот понудувач – фирмата „Техноинженеринг“ од Радовиш која веќе од понеделник започнува со реализација,, објави градоначалникот Герасим Конзулов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
