Општина Василево планира да набави специјално возило за собирање и транспорт на сметот од физичките и правните лица за потребите на ЈПКД Турија. Со новото возило се очекува да се подигне квалитетот на собирање и транспорт на отпадот од населените места во општината со оглед на дотраениот возен парк на ова комунално претпријатие. На последната седница, Советот на општина Василево донесе одлука за кредитно задолжување токму за ова намена.
,, Целта на набавката на новото возило е да се створат услови за да може организирано да се собира сметот од домаќинствата во уште неколку населени места, односно жителите на уште неколку населени места да бидат опфатени со организираното собирање на смет. Долгорочното домашно задолжување ќе се оствари преку потпишување на Договор за под-заем со Министерството за финансии, во рамки на средствата обезбедени со проектот за подобрување на општинските услуги финансиран од Светска банка,, објасни претседателот на Советот Крсте Панев
Износот на заемот изнесува 4 370 000 денари, а капацитетот возилото што ќе биде набавено ќе изнесува 5,5 м3. Како што беше истакнато на седницата рокот на отплата на кредитот ќе биде 2 години со грејс период од 6 месеци. Во меѓувреме со средствата од наплатата на услугата за собирање и транспорт на сметот, заемот ќе се отплаќа.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
