Општина Василево доби возило – цистерна со вакум за чистење на фекалната канализација или оние краци каде е детектирано запушување и слаб проток на фекалиите. Станува збор за возило кое е донација од збратимената општина Согут од Турција. Со ова возило не само што ќе се заштедат средства туку и пофункционално ќе се одржува фекалната канализациона мрежа.
Вакво возило беше неопходно бидејки општина Василево планира во наредниот период да продолжи со изградба на канализациони краци во Василево, Пиперво, Ангелци, Радичево и Градашорци.
,,Возилото го добивме во прав момент,имајќи во предвид дека Општина Василево гради краци од фекална канализација во Василево и Пиперево. А наш план е до крајот на мојот мандат да започнеме со изградба на фекална канализација и во Ангелци, Градошорци и Радичево. Возилото ќе го зголеми капацитетот на комуналното претпријатие. Изразувам благодарност до братската општина Согут за оваа донација. Убеден сум дека соработката ќе продолжи и во иднина.,, вели градоначалникот Славе Андонов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
