Советот на општина Василево на последната седница на предлог на ЈП ,,Турија’’ ја донесе одлуката за организирано собирање на отпад од домакинства од шест населени места. Како што информираше градоначалникот на Василево, Марјан Јанев организираното собирање на отпадот ќе има од сите домакинства без исклучок, од населените места Василево, Ангелци, Градашорци, Пиперево, Владевци и Сушево и ќе се почне од 1 декември.
,, Како локална самоуправа наша заложба е да имаме чиста животна средина и намалување на дивите депонии околу населените места. Наша заложба е да имаме чисти села и поквалитетен живот на граѓаните. Одлуката е донесена согласно законот за управување со отпадот. Домакинствата треба да го собираат отпадот во сопствени садови, канти, буриња,вреќи или да го депонираат во поставените контејнери по селските улици во населените места,, вели градоначалникот Марјан Јанев кој најави набавка на ново возило за собирање на оптад и кадровска екипираност на комуналното за да може организирано да се собираат низ сите населени места.
Според планот, организирано собирање на отпадот од домакинствата ќе се врши еднаш неделно од секое населено место. Во вторник ќе се собира отпадот од ангелци и Пиперево, во среда од Сушево и Владевци, во четврток од Градашорци а во петок од домакинствата од општинскиот центар Василево.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
