Општина Валандово формираше мобилен тим кој ќе им помага на сите стари и изнемоштени лица во општинскиот центар и населените места од ова општина. Како што е наведено на официјалната ФБ страна на општината, мобилниот тим ќе помага на старите и изнемоштени лица во набавка на намирници и потребните лекарства со цел да не се изложуваат на дополнителен ризик од коронавирусот.
,,Секој граѓанин од наведените категории, кој има потреба од набавка на потребните лекарства, прехрамбени производи и средства за хигиена, со цел да не остварува непосреден контакт со останати луѓе и се изложи на дополнителна опасност од инфицирање со Covid-19 (коронавирус) ќе може да телефонира секој ден од неделата, во секој дел од денот, на следните телефонски броеви: 071239849 и 078325978 ’’ стои во известувањето од општината
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
