Македонскиот шампион ОК Струмица во рамките на шеснаесетфиналето од Купот на ЦЕВ го пречекува тимот на Дурен од Германија. Станува збор за двомеч при што првиот се игра во салата Парк во Струмица (четврток 23.11) со почеток во 19 часот додека вториот во Германија по што ќе биде познат патникот во осминафиналето од ова второ по квалитет европско одбојкарско натпреварување.
Во таборот на ОК Струмица постои оптимизам за германскиот преставник Дурен кој лани во нивното првенство завршија на третото место. Капитенот Владо Милев смета германците се фаворити но не значи дека тие ќе се предадат. Со поддршка на публиката во салата Парк се надеваат на квалитетна одбојка и можно изненадување.
,, Во екипата има позитивна атмосфера, желба за докажување. За разлика од турнирот во Бугарија сега ќе се комплетни. Германците имаат силен сервис но може да одговориме на нивните сервиси со солиден прием но и ние треба да нападнеме. Ќе биде добар натпревар зошто да не очекуваме и добар резултат. Билетите веќе се пуштени во продажба по цена од 100 денари. Ги повикувам сите струмичани, па и наши навивачи од другите градови да дојдат и да не бодрат на оваа средба““, изјави Владо Милев
Мечот се игра утре во салата „Парк“ во Струмица од 19 часот. Судии на средбата ќе бидат Варбанов од Бугарија и Гркот Геротодорос.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
