Три девојчиња од Струмица се дел од македонската одбојкарска селекција до 16 години (генерација 2006 и помлади) која од утре до сабота ќе учествува на квалификацискиот турнир за Европското првенство кој се одржува во Врњачка Бања во Србија. Станува збор за одбојкарката на Наковски Волеј – Марија Џонлага но и две одбојкарски од ОК Виктори Волеј: Теа Зетова и Јована Кирова кои во наредниве денови ќе ги бранат боите на Македонија за учество на едно големо натпреварување во одбојка за пионерки
Освен Џонлага, Зетова и Кирова, црвено-жолтиот дрес на турнирот ќе го носат и Ивана Трајкова, Ирена Узунова, Леона Змајшек, Анастасија Ристевска, Ева Ристовска, Ева Трпеновска, Елена Ѓорковска, Миа Ѓоргиевска и Кариа Трифуновска предводени од Емилија Терзиевска која во Врњачка Бања ќе ја има улогата на селекторка на националниот состав, а нејзин асистент ќе биде Никола Јаневиќ.
Според програмата македонските пионерки во провото коло ќе игра со Србија, в среда ќе се сретне со Бугарија, ден потоа ќе ги одмери силите со Турција, а во петок со Романија. Само најдобрата селекција ке се пласира на Европскиот шампионат во унгарскиот град Ниџерхаза и во Хумене, Словачка во перидот од 10-18 јули.
Националните состави што нема да влезат во континенталната елита, ќе продолжат во вториот круг од квалификациите. Во него, од 6-9 мај ќе бидат одиграни пет турнири со по четири репрезентации од сите пет зонски асицијации на ЦЕВ во коишто е и нашата, балканска.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
