Дебитантот во Првата женска одбојкарска лига на Македонија, тимот на ,,Струмица Жени’’ како гостин ја надигра ,,Македонија Макс’’ со 3:0 во сетови во салата при ООУ ,,Видое Подгорец’’ во Струмица. Ја прокнижаа петата победа во првенството и се наметнаа како сериозни кандидатки за Втората фаза од Шампионатот што неможе да се каже за ,,Македонија Макс’’ кој го претрпе 5 тиот пораз во првенството.
Одличен натпревар со многу надмудрувања на мрежа кај двата тима. Струмица Жени очигледно многу повеќе ја посакуваше победата и уште во првиот сет покажаа дека нема да се откажат од желбата. Го добија со 25:18 откако Макс потфрли во приемот, со многу сервис грешки а тешко се снаоѓаше и во нападот. Во вториот сет домашниот Макс одигра порамноправно. Имаше водство до 23:19 но со сервисот на Мартина Владевска. Струмица Жени дојде до пресврт 24:23. Македонија Макс додје до шанса да израмни но немаше сила и го предаде сетот за градските ривалки со 28:26
Во третиот сет Струмица Жени предводени од Елена Пандева, сестрите Владевски, искусната Станковска, надежните Карлијска,Дикова, Иванова и Додевска не дозволија понатамошна неизвесност. Мудро ги користеше грешките на Македонија Макс и дојде до 3:0 во сетови за радост бидејки се надигра тимот од кој речиси сите произлегоа или играа своевремено за него.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
