Одбојкарите на Струмица претрпеа пораз во големото финале од Купот на Македонија од Штип УГД и втора година по ред се сребрени во ова натпреварување. Штипскиот состав славеше со 3:0 во сетови (25:21, 26:24, 25:21) и ја одбрани КУП титулата од минатата година која ја освои на свој терен.
Струмица не успеа во клучните моменти да ја наметне својата гира. Така беше во првиот сет кога ја анулираа предноста на штипјани и застанаа до 20:20 по што УГД го освои првиот сет со 25:21 за водство од 1:0. Во вториот сет одлучуваа нијанси. И во сет имаше борба каде среќа имаа штипјани и со 26-24 ја зголемија предноста на 2:0. Ништо поразлично не беше и во третиот сет кога Струмица во финишот потклекна
Кај победникот, со 17 поени заврши Задмарт, осум поени имаше Багаев, додека седум поени додаде Стојанов, а кај Струмица, девет поени даде Кинтеро, а по осум имаа Лепидовски и Нилсен.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
