Радовишкото Oсновно Јавно обвинителство од судот бара да бидат казнети вкупно 11 радовишани кои не ја почитувале Одлуката за забрана и посебен режим на движење на територијата на Република Северна Македонија. Како што информираа, едно лице се двиѓело пеш а друите со возила во Радовиш и околината со што не постапилe според мерките за спречување на појава, рано откривање, спречување на ширење или сузбивање на заразната болест предизвикана од коронавирусот.
Заради стореното кривично дело ,,Непостапување според здравствени прописи за време нa епидемија’’ од член 206 став 1 од Кривичниот законик, Основното јавно обвинителство Радовиш до судот поднесе предлози за издавање казнени налози за сите обвинети со предлог да им биде изречена парична казна во висина од по 100 дневни глоби. Вообичаено дневната глоба за ваков прекршок, неофицијално изнесува 20 евра, што значи за секој радовишанец се бара казна од по 2000 евра.
Инаку СВР Струмица информираше дека синоќа тројца радовишани го прекршиле полицискиот час а до јавното обвинителство за сторен прекршок ,,Непостапување според здравствени прописи за време нa епидемија’’ за изминатиот период поднеле пријави за вкупно 8 лица од Радовиш и 6 лица во Валандово
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
