На иницијатива на градоначалникот на Ново Село – Никола Андонов денеска се спроведе општинска еко акција за чистење на крајбрежјето на браната ,,Новоселка” но и просторот околу Колешинскиот водопад. Вработени во општината, јавното комунално претпријатие ,,Комуна” и граѓани еко активисти учествуваа во акцијата која имаше за цел да се упати порака за чиста животна средина. Беа собрани околу 100 тина вреќи разновиден отпад претежно пластика, хартија, стаклена амбалажа, лименки оставени или фрлени од несовесни граѓани.
Во акцијата учествуваа околу 100 вработени и граѓани кои заедно со градоначалникот Никола Андонов го исчистија просторот околу Колешиснкиот водопад од ѓубре оставено од излетници, рекреативци и посетители додека друга група со ако активисти беа околу браната ,,Новоселка” каде се чистеше оптадот оставен или фрлен покрај крајбрежјето на ова брана, често посетувана од рекреативци.
,,Сакавме како локална самоуправа да ги потикнеме граѓаните на општина Ново Село дека треба да дадат свој придонес за чиста животна средина. Нашата порака е дека сите подеднакво треба да се грижиме за заедницата и дека сите сме одговорни за неа. Дали ќе живееме во ѓубре и отпад зависи колку ќе биде нашата одговорност како поединци. Апелирам до сите жители на општина Ново Село да бидат одговорни и да не фрлаат ѓубре насекаде и доколку забележат такво однесување веднаш да пријават, Вакви акции ќе има и во иднина”, ни изјави градоначалникот на Ново Село Никола Андонов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
