Во рамките на 4 првенствено коло од Третата кошаркарска лига група А, тимот на Струмица забележа победа против тимот на Пробаскет од Кавадарци со резултат 92:60 (30:10 19:19 23:18 20:13). Струмичани победата ја заверија уште во првиот период кога направија разлика од 20 поени. Гостинскиот состав во ниту еден момент не успеа да ,,фати” чекор со расположениот состав на Ики Христов кој даде шанса на сите кошаркари што беа на клупата.
Најефикасен кај Струмица беше Ахтаров кој уфрли 28 поени, Миле Ѓеоргиев запиша 20, Марио Хасанов 17, Димитар Зетов 16 а како стрелци се запишаа и Васил Томов, Давид Дончевски, Стефан Мирчовски. Со ова втора победа струмичани имаат скор 2-2 и со вкупно 6 поени се на петата позиција во конкуренција на 10 екипи во ова група. Следното коло третолигашот Струмица му гостуваат на Вардар во Скопје.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
