Струмичката полиција во партнерство со Општина Босилово и градоначалникот Зоран Зимбаков, денеска на магистралниот патен правец А4 кај општинскиот центар, делеа маички и летоци за да алармираат дека под дејство на алкохол не се седнува зад волан. Станува збор за превентивна активност за да се подигне свеста кај учесниците во сообраќајот, во која се вклучи и сопственикот на фирмата ,,Тома’’ од Радово кој ги донираше маичките со логото ,,Никогаш не вози пијан’’
,, Сите статистики зборуваат дека најголемиот дел од сообраќајките со катастрофални последици се резултат на пијани возачи. Доаѓа летото и ќе се зголеми фрекфентноста по патиштата бидејки ќе се вратат нашите сограѓани од странисто и затоа возачите мора да ги почитуваат правилата и прописите и да не возат под дејство на алкохол,, рече градоначалникот на Босилово Зоран Зимбаков
Освен маички, возачите добиваа и флаери флаери со содржина изготвена од Републичкиот совет за безбедност во сообраќајот на патиштата (РСБСП) а кои содржат практични совети за возачите насловени “Биди одговорен возач, Никогаш не вози пијан“!!!
Дека управување моторно возило под дејство на алкохол е сериозен проблем особено кај младите се и статистичките показатели за предизвикани сообраќајни незгоди со тешки повреди или смртни последици информираа од СВР Струмица од каде апелираа сите учесници во сообраќајот да бидат одговорни и никогаш да не управуваат моторно возило под дејство на алкохол но и да ги почитуваат мерките за заштита од КОВИД-19.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
