Четири возила се судриле вчера на регионален пат Р 1401, на место викано „Валандовско брдо“ во која три лица се здобиле со повреди, соопшти полицијата. Во несреќата учествувале две товарни и две патнички возила при што едното товарно возило го напуштило местото.
„Во несреќата учествувале „фолксваген голф“ со гевгелиски регистарски ознаки, управувано од С.А.(46) од село Николиќ, дојранско, патничко возило „тојота“ со струмички регистарски ознаки, управувано од Н.К.(76) од Струмица, товарно возило „мерцедес“ со скопски регистерски ознаки, управувано од Д.П.Ѓ.(45) од Гевгелија и уште едно товарно возило, кое го напуштило местото“ соопшти МВР.
Во несреќата со тешки телесни повреди се здобил возачот на патничкото возило „тојота“, а со телесни повреди се здобиле возачот и сопатникот во возилото „фолксваген голф“, констатирани во Здравствен дом во Валандово. Увид на местото извршила екипа на Полициската станица Валандово.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
