На автопатот Гевгелија – Скопје после клучка Смоквица, утринава во 2 часот полицајци запреле лесно товарно возило, односно комби, и во него нашле 20 мигранти. Од нив 18 биле од Конго, едно лице од Камерун и едно од Авганистан, извести МВР.
„На автопатот Гевгелија – Скопје, после клучка Смоквица, полициски службеници од Полициската станица за граничен премин и граничен надзор Богородица дале знак за запирање на товарно возило „цитроен џампер“ со кумановски регистарски ознаки, при што возачот го напуштил возилото. При преглед во возилото биле пронајдени 20 лица мигранти“, се вели во полициското соопштение.
Мигрантите биле сместени во прифатно-транзитен центар за понатамошна постапка, а за настанот бил известен јавен обвинител. По целосно расчистување и документирање на случајот, како што велат од МВР, ќе биде поднесена соодветна пријава.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
