25 годишниот Ѓорѓи Стоилов веќе не е дел од Академија Пандев откако и официјално му истече договорот со клубот со кој беше во последните пет години. Тој веста дека се разделува со ,,пандевци’’ ја објави на својот ФБ профил при што изрази благодарност до сите во клубот и дека е време да се направи нова промена и предизвици.
,,5 години исполнети со многу радосни моменти и тага. Време е да направиме промена и да продолжиме напред кон нови предизвици. Ви благодарам за се ФК Академија Пандев и Ви посакувам се најдобро во иднина,, напиша Стоилов
Стоилов последната сезона беше еден од најстандардните во дресот на Академијата. Одигра 26 натпревари, постигна три гола но и заработи дури 15 жолти картони. Тој за Дрнка.МК не сакаше да открива имиња на клубови кои веќ покажале интерес но подвлече дека има повеќе опции.
,,Уште незнам каде официјално ќе продолжам. Договорот ми заврши со Академијата на која сум и многу благодарен. Мислам дека имавме успеси. Испишавме историја со освоената прва КУП титула. Мака ми е што не завршив со две титули во клубот. Имам повеќе опции и ќе видам каде понатаму. Мислам дека ми треба нова средина и нови предизвици,, ни изјави Ѓорѓи Стоилов кој подвлече дека имало понуди од Макеоднија но и надвор од државата
Ѓорѓи Стоилов кој во август ќе наполни 26 години, според сајтот кој ги вреднува фудбалерите ,,Трансфермаркт’’ беше најскапиот играч на Академија Пандев. Според последното рангирање на 18 мај, неговата вредност се проценува на половина милион евра.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
