Осуден е на шест месеци затворска казна и при крај е со издржувањето. За време на престојот во струмичкиот затвор стекнал нови работни вештини и кога ќе излезе планира да отвори свој бизнис – изработка и монтажа на камени плочки. Вака накусо може да се опише приказната на еден осуденик, татко на четири ќерки кои се вклучил во програмата на ресоцијализција на струмичкиот затвор преку работен ангажман.
„Ова многу ни значи. По завршувањето на казната, планирам да основам сопствена фирма во која ќе работам со камен и се што е поврзано со занаетот што го усовршив овде. Сакам да почнам одново, затоа што сум семеен човек со четири ќерки, коишто очекуваат од мене“, вели осуденикот кој работеше на уредување на црквата во струмичкиот затвор
Половина од осудените лица во струмичкито затвор се активно вклучени со работне ангажман. Некои работат на проекти внатре во затворот како изградба на мала црква, ограден ѕид, земјоделие, додека други се ангажирани од приватни компании.
„Како установа, посветено работиме на секторот за ресоцијализација. Тоа значи социјална интеграција на осудените лица, стекнување нови вештини и знаења, прифаќање на грешките и подготовка за успешна реинтеграција по завршувањето на казната. Годинава се склучени околу 37 договори со приватни фирми, претежно во градежништвото, земјоделството, одгледување едногодишни и повеќегодишни култури, занаетчиство и слично“, објаснува Зоран Ристов, директор КПУ Затвор Струмица (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
