Наредниов период се очекува да биде ставена детската градинка во населеното место Прдејци изградена со средства од општина Гевгелија во износ од околу 100 илјади евра а се опремува од страна на Министерството за труд и социјални работи. Градинката ќе биде со капацитет од 20 тина дечиња од предучилишна возраст. Така најави градоначалникот на Гевгелија Сашо Поцков кој со премиерот Зоран Заев завчера беа во обиколка на овој објект.
,,Општина Гевгелија изминативе три години настојуваше да ги подобри условите за престој на децата во предучилишните установи, а за таа цел беа вложени над 10 милиони денари. Истовремено, и во услови на пандемијата, настојуваше да ги прошири капацитетите и излезе во пресрет на барањата на родителите. Така, покрај трите детски градинки во Гевгелија, градинките во Негорци, Миравци, Богородица и оваа во Прдејци, по барање на родителите отворивме јасли во Миравци,, кажа градоначалникот Поцков
Како што нагласи Поцков, тие како општина очекуваат поддршка од Министерството за труд и социјални работи да биде реализиран и проектот за доградба на детската градинка Сончогледи во Гевгелија, со што ќе се обезбедат дополнителни капацитети за згрижување на уште стотина деца.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
