Одбојкарките на Наковски Волеј забележаа убедлива победа во првиот меч од четвртфиналето од одбојкарскиот КУП против тимот на Јанта Волеј Кисела Вода и со еден освоен сет во ревашот во Скопје ќе се најдат во полуфиналето од ова натпреварување
Девојките на Наковски Волеј во ниту еден момент не дозволија гостинките да се надеваат на поволен резултат во Струмица. Тргнаа офанзивно уште во првиот сет иако гостинките се обидуваа да направат изненадување но на крај мораа да се помират со 25:23. Во следните два сета Наковски беше посамоуверен и од сите позиции ги надмудруваше и торпедираше гостинките. Ги доби со 25:19 и 25:16 за конечни 3:0.
Со ова победа струмичанки широко ги отворија вратите за завршницата од КУПОТ посебно што по есенскиот дел Јанта Волеј КВ има подобра позиција на табелата односно се наоѓа на втората позиција
Вечерва победа славеа и одбојкарите на Џио Струмица против Лирија од 3:0 во сетов и тоа во гости а Струмица Жени утре ќе вкрсти со Јанта Волеј Форца
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
